Personal site

хог хаягдал

boogii — Mon, 04 May 2015 01:08:42 GMT

Монгол улсын хэмжээнд зөвшөөрөлтэй 426 төвлөрсөн хогийн цэг, нийт 11.798 мянган га талбайг хамарч байна. 2012 оны байдлаар жилд дунджаар 1.1 сая тонн хог хаягдал гарч байгаагаас 500-550 мянган тонн буюу тэн хагас нь Улаанбаатар хотоос гарчээ. Нийслэлд өдөрт 246 тонн, жилд 90 шахам мянган тонн хог хаягдал зөвшөөрөлгүй газарт хаягдаж байна.

Нийслэлийн Захирагчийн ажлын албаны тооцоолсноор Улаанбаатар хотоос өвлийн улирлалд өдөрт дунджаар 1237.2 тонн хог хаягдал бий болдог. Үүнээс 145.7 тонн хог хаягдлыг орон сууцанд амьдарч буй айл өрхүүд “үйлдвэрлэдэг” бол гэр хорооллын айл өрхүүдээс 690.8 тонн, аж ахуйн нэгж, байгууллагын үйл ажиллагаанаас 159.9 тонн хог хаягдал гардаг. Нарангийн энгэр, Улаан чулуут, Морингийн даваа, Цагаан давааны төвлөрсөн хогийн цэгт өдөрт 2000-2500 тонн ахуйн хаягдлыг хүлээн авч ландфил технологиор дарж устгадаг.

Дэлхийн зөн олон улсын байгуулга төрын албан хаагчин сургалт явуулла

boogii — Sat, 06 Sep 2014 07:57:01 GMT

Дэлхийн зөн олон улсын байгуулга төрын албан хаагчин сургалт явуулла

Мандал сумын Засаг дарга болоод Тамгын газрын дарга, ДЗОБ Зүүнхараа ОНЗ нар хамтран 09- сарын 03 нд Төрийн албан хаагчдад сургалт явууллаа. Төрийн албан хаагч нь Монгол улсын төрийн албаны хамгийн үнэ цэнэтэй хөрөнгө юм. Тийм ч учраас тэднийг цаг үеийн байдлаас хамааран мэдлэг мэдээллээ шинэчлэн өөрчилж байхыг шаарддаг. Энэ ч үүднээс удирдлага нь ирээдүйг харж мэдлэг чадварын хэрэгцээг хангах үүднээс “ Оюуны чадвар” сургалтын төвийг урьж сургалт зохион байгууллаа. Төрийн албан хаагчдын сургалт үр өгөөжөө өгч байгааг иргэд баталж байгаа юм.

Мандал сум 90 жилийн ойгоо тэмдэглэнэ

boogii — Fri, 15 Aug 2014 15:14:03 GMT

Энэ жил 118 сумын тэгш ой тохиож байгаа бөгөөд үүнээс дийлэнхи нь 90 жилийн ойгоо тэмдэглэж байна. Тэдгээрийн нэг бол Сэлэнгэ аймгийн Мандал сум юм. Мандалчууд төрөлх сумынхаа түүхт 90 жилийн ойгоо угтаж бүтээн байгуулалтыг өргөнөөр өрнүүлж байна. Тухайлбал, сумын хэмжээнд нийт 16 км замыг засч сайжруулснаас гадна 4 км замын гэрэлтүүлгийг сольж шинэчлээд байна. Мөн иргэдийнхээ чөлөөт цагийг өнгөрүүлэх, ногоон байгууламжийг нэмэгдүүлэх зорилгоор гурван хэсэг газарт 11000 гаруй мод бут суулгаж, цэцэрлэгт хүрээлэн байгуулжээ.

Түүнчлэн ард иргэдэд эрүүл мэндийн тусламж үйлчилгээг түргэн шуурхай, хүртээмжтэй хүргэх зорилгоор сумын нэгдсэн эмнэлэгт өргөтгөл хийж, барилгын явц нь 50 хувьтай байна. Сургуулийн өмнөх боловсролд хамрагдах хүүхдийн тоог нэмэгдүүлэхээр Нархан цэцэрлэгийн барилгыг өргөтгөх ажлыг мөн эхлүүлээд байна.

Мандалчууд ойгоо угтан наадмын талбайгаа шинэчлэн тохижуулсны зэрэгцээ хүүхэд залуучуудын соёл, спортын цогцолбор төв байгуулах ажлыг ч хэдийнэ эхлүүлжээ.

Ойн баярын үеэр уламжлал ёсоор эрийн гурван наадам зохиогдох бөгөөд нутгийн хүү, Г.Эрхэмбаяр аварга эл наадамд зодоглох гэнэ. Мөн соёл, спортын одод оролцож, нутгийн олонд уран бүтээлээ толилуулах юм байна.

Мандал сумын 90 жилийн ойн баяр 2014 оны 08 сарын 01, 02-нд зохион байгуулагдах тул нутгийн зон олон, уугуул, суугуул иргэдийг урьж байгааг уламжилъя.